Thursday, April 28, 2011

لاعزاء الا للفلاسفة ...



كم تحديا واجهتك الحياة؟؟


كم سؤلا سالتك اياه؟؟
كم دربا اضطرتك لتركه

وسلك غيره حتى منتهاه؟؟
****
ماهى اكثر كلمة ملائمة ان امكننا وصف سلوكيات الحياة معنا؟؟

هل الحياة ظالمة؟؟
هل الحياة جديرة ان تعاش؟؟

هل للحياة شان اصلا بنا ام هى مجرد فرضية نعيشها كغيرنا من الكائنات الاخرى؟؟
ماجدوى البحث عن اجابة عندما نعلم ان السؤال اجبارى الاجابة عنه وبالتالى اجابته محدده سلفا نعم او لا؟؟؟

هل القدرية فى الحياة كمية مترابطة بتنوع وتقارب البشر فيما بينهم ؟؟
ام... نسبية؟؟
باعتقداى المتواضع هى نسبية جدا مع التاكيد طبعا على التنوع الانسانى المكون الاساسى للاقدار
لان القدر..........
مرن
جدا
بحيث
يرسم
نماذج
مختلفة
لحيات
كل
مننا....

Tuesday, November 30, 2010

ليه الناس بتخاف من الموت ؟





هو ليه الموت هو الحجة الوحيدة اللى مانقدرش نسعى فيها؟

الرزق ممكن نجرى وراه

الاكل والشرب والجنس نفس الكلام

الحياة نفسها شعوب بتكافح عشانها

انما الموت هو الشيئ الوحيد اللى ممانعرفش نطلبه لو عزناه

عارف ان الموت ناس كتير جدا بتخاف منه

بس ساعات بنطلبه فى اوقات الياس او اوقات لطلب الرحمة

وهيا الناس بتخاف ليه من الموت ؟؟

خايفين من حسابهم ؟

خايفين هيحصل ايه هناك؟

خايفين يفارقوا الدنيا؟

الاغلاب ان الفقير والغنى بيخافوا الموت...

تقريبا معظم اللغات الاتينية اشتركت فى اول حرف للسم الموت

mort mourir

mior

muerta etc....

حتى العربية قالت موت............


بدايه واحدة لشيئ الكل اختبر وجوده فى الحياة .

الموت لما بيحين على اى حد بيبقى ليه كذا وسيلة وده معروف

بس اللى مش معروف كل ما بنطور كل ماهو كمان بيطور

المعنى ان بعلمنا هو بيزداد علم

ماكنش فيه موت زمان بالرصاص ولا القنابل الحارقة مثلا...

الموت زمان كان اسلوبه هادى

الموت الوقتى اسلوبه افظع فى معظم حالاته يه زى الحياة العصرية ومافيها من مساوئ

يعنى الاتنين وشين لعملة واحدة

الحضارة صديق للموت

رغم التاكيدات العلمية ان الحضارة

بتساعد على تحسين مستويات المعيشة

وتزود معدلات الحياة وتقلل معدلات الوفيات

بس ده ايه ده؟

مانا لسه قايل انه بيتطور وباستمرار ....

*******

ياترى ممكن يبقى فيه ايه لما حد بيروح البوابة التانية ؟

الاكيد انه بيرتاح من اى مشاكل ويبدا هو مشاكله الخاصة مع الموت والحساب

بس الموت فيه عدل , قانونه واحد وماشى على الكل ومن زمان

عادل لانه من مشرع عادل

حتى الحساب لما بيحين بنتحاسب على كل اللى عملناه وبتبقى فيه اعظم صفة ربانية ...الرحمة

صحيح هيحاسب الواحد مننا على كله بس برحمته بيتجاوز غلطات كتير

ربنا مش هوائى زينا احنا البنى ادمين ولا بمود

حكم وعدل ورحيم وغفور وشكور للى يفتكره ويخاف عقابه

ربنا مش بيشيل من حد فينا لان اننا اصغر من انه يشيل مننا وحاشا لله طبعا فى التشبيه ,

اقصد انه لما حد بيعصاه بيزعل عليه ويتمنى انه يروح على الطريق الصح

وبيدى فرص ووقت عشان اللى بيعمل غلط يفكر , جايز يرجع وجايز يكمل فى الغلط

كله حسب التركيبة النفسية والتكوين الانسانى

حسب قوة الشيطان وتاثيره علينا

حسب قيمتنا الحقيقية واجتهادنا لمنع الغلط او دفع قيمة الغلط

حسب الاية دى : ربنا غلبت علينا شقوتنا وكنا ظالمين

كل شيئ رغم القدر والمكتوب لكن الانسان اساسى فيه .

انا اللى بزنى

انا اللى بسرق

انا اللى بنصب

انا للى بكدب وبتتريق على الخلق

انا اللى بروح الجامع وبصلى

وانا كمان اللى بصوم

صحيح القدر مكتوب فيه ان فلان هيبقى كويس وفلان هيبقى وحش بس مع انه متحدد كده

الا ان طريقنا فى الحياة بيتحدد بدماغنا سوا ان كانت وسخة ولا نضيفة وتفكيرنا وتحكمنا فى رغباتنا وضميرنا

يقى السؤال من تانى :

ليه الناس بتخاف الموت؟

عشان خايفة تتحاسب على اللى بيعملوه فى الدنيا

صح؟؟

Monday, August 17, 2009

من يوميات محب..1





لم يبدأ بعد حساب عمر بيننا

هل بدأتى تسأمى ؟؟

قاصر حب وليه انت ,

يتصارع حتفه ,

ويتباطأ القدر

انا لم اقصر مرة ...

قرعت بابك منتظر

ماخطبك؟؟

لم لم تفتحى؟؟

هل جور قلبك مقتدر؟؟؟

Wednesday, November 5, 2008

حرب النكران




ابن الناس مهما الدنيا جت عليه

مسيره يركب , ويدلدل رجليه...

كلمة سمعتها قريب وماصدقتهاش

عارف ليه؟

لان ابن الناس دايما عايس فى ابتلاء ومظلوم

ماينفعش غير انه يقول الحمد لله...

الايام دى اقعدت افكر فى حياتى خصوصا والحياة كمعنى ومضمون واسلوب عموما,

ولما لقيت الدنيا واخده موقف منى

وموش عايزة تيجى فى صفى,

حسيت انى عايش فى نكسة داخلية وشخصية لاتقل عن نكسة 67 اللى البلد عاشتها

بس اللى يفرق انى انا لوحدى .

والفترة اللى تلت النكسة حروب الاستنزاف ,

واللكلمة معناها صحيح لحد كبير ,

فانا عايش حرب استنزاف مع الدنيا,

بس انا موش زى بورسعيد مثلا وعندى افكار فدائية واعرف ادى الضربة والاقى واصد...

لسبب واحد :

الدنيا ما بتخدش ضربات,

الدنيا...بتضرب بس.

حرب استنزاف شغالة والدنيا موش عاتقانى ,

شوية نزيف تفكير
او جروح فى الضمير

او.. او ...او

انتا عارف الدنيا وضربها ....

من وقت قريب جدا ,ولانى كنت مقاوم ولازلت مقاوم...

فالدنيا غيرت التكتيك الهجومى ولقيتنى فى حرب من نوع جديدة....

حاجة اسمها حرب النكران


واحد عبيط يقول يعنى ايه؟

هقوله : الهدف منها هو تجاهلك ونكرانك

ووجود حلمك و

و....

وجودك كللك

فتلاقى نفسك محتار تعمل ايه؟

تتنازل عن شوية احلام اكتر مانتا متنازل؟

تقبل وتعيش زى كتييير

اكل وشرب ونوم والدماغ يفكر فى قرش او الغدا ايه

وبس كده؟

اسلوب اتبعته الدنيا كتيير مع مختلف الانواع البشرية

لحد الوقتى انا بقاوم

موش عايز اكون نموذج جديد ناجح للخراف الادمية


بحاول اكتب

بحاول اقول انى موجود

بحاول اقول:للدنيا طظظظ

رغم انى عارف انى بضحك على نفسى

لكن طظ

الدنيا قايمة على المسكنات

موش كده....

اصعب شيئ لما تكون من جواك كويس

وتتطضر تتعامل مع زبالة...



****كان فى واحد اسمه عبد الرحمن الكواكبى قال مرة

ان فى الازمنة العصيبة الفاسدة الحال , الناس الصالحون لا يالفون فسادها

فيقبلون الظلم وتالف عيونهم المنكر, فيتحولو من مصلحين الى صالحين

صالحين فقط.

والزبالة بقت كتير اوى وريحتها بتفوح من نفوس ميتة

وقلوب عطبانة

وضماير اقرب انها تكون ضماير انسان الى.

الراعى بيتعامل مع الديب؟

الفلاح بيتعامل مع الطور؟

ايوه بيتعامل , بس بيلجمه

طيب ده لما يكون حيوان يبقى سهل السيطرة عليه

لكن لو بنى ادم

موش سهل ابدا السيطرة عليه الا بالقوة او بالنفوذ

والقوة فى ايد ولى الامر والنفوذ =فلوس ومنصب وجاه

ولحين لما ييجى النفوذ دا ان جه..

هفضل مضطر انى انزل كل يوم الشارع وانا ونصيبى

تخبطنى بهيمة

يعضنى كلب

يدوس على رجلى طور

او يتعب عقلبى مع خنزير مالوش غير فى الاكل

وهافتكر اسد الغابة:

كان ملك

والانسان سمّج عليه وحططه فى القفص

وكسر عينه ...

وخلى العيال الصغيرا السخفا

يتريقوا عليه

ويرموله لب وقشر فول سودانى




وقول معلش :

ليس...هذا...زمن.....الفرسان

هذا...زمن.............

الكلاب

Friday, October 31, 2008

El problema المشكلة 1

هل ممكن المعرفة تتحول لكابوس؟
هل ممكن الحرية فى التفكير تبقى مدمرة؟
هل السؤال عن الذات والبحث عنها يعزل ويخليك فى عالم تانى مالوش دعوة بالعالم الحقيقى؟
هل اكتساب الجديد فى المعرفة العقلية البحثية مايخليش فى نقطة ريستور بوينت؟
اسئلة من ضمن اسئلة محتاجة اجابة.....

Sunday, August 31, 2008

التجربة اليومية





كل يوم تجربة
قد تكون محفوفة بالخطر/
موجودة بالخطر/
او حتى خاليةمنه,,
*******
يعانى البعض وانا منهم
بالمثول امام تجربة يومية متكررة..
فمع الإستيقاظ كل يوم ,
اشعر وكاننى امارس اول يوم فى البلد
التى اتواجد فيها واول ساعة فى الحياة اساسا
وانظر للكون وكل ما اعرفة ولا اعرفة
من مفردات بعين الطفل الوليد
ليس هذا قصور عقلى
فهو اشبة بتامل
فى عدة اشياء فى وقت واحد وبتوقيت سريع
..ودائما
ما تتدافع عندى هذة الحالة
عندما اكون مسافرا/
فى طريقى للعمل صباحا
او وضع سكووون
وبجرد التنبه منها
امارس حياتى بطبيعية
واكمل حياتى لاتعلم
درس جديد من السيرك اليومى
اللذى يسمى حياة...

Thursday, December 20, 2007


انك تستمر فى الكتابة رغم ان ممكن يكون كل اللى حوليك وحش...فدى تبقى الحياة
لان الكتابة عموما عايزة صبر ومقثدرة واحتمال ...
المشكلة ان الايام دى بدات افقد القدرة على الاستحمال وبديت احس بالملل
والاسباب كتيرة
مقدرش اقولها كلها لانه....ز مينفعش ...
ممكن اقول ان الحياة اللى عايشها وسط القطيع بدات تترب وتغطى على الطموح اللى جوايا ....مشكلتى انى ملول جدا
الحياة اللى بعيشها رغم انى بحاول اعملب كل يوم جديد فيها بدات تاخد كيرف الانهيار
انا بحاول التماسك وقهر الاكتئاب لكن احيان كتير بيتغلب عليا اوى
كويس انى بكتب الوقتى
ممكن بعد الكلمتين دول ابطل لمدة طويلة اوى ماتتخيلهاش
ممكن يكون غياب التقدير اللى بلاقيه من ردود افعال الناس اللى بتعامل معاهم فى اليوم العادى اللى معظم الارقام والبيزنس و الاكل والسكس والكورة فى نافوخهم ومالهومش فى حب الشعر سبب رئيسى فى انى بدأت انهار ادبيا
الوقتى حاسس انى منهار ومكتئب لكن برسم على وشى شبح ابتسامة وبقول انى هضحك وموش هاكتأب لانى اكتفيت
على راى واحد كاتب واديب يونانى اسمه يا نيس ريتسوس قال :

انا متفائل لانى خرجت من احلك الظلمات حيا وتخطيت مراحل عصيبة
ورأيت ضوء النهار
انا متفائل لانه ليسهناك اكثر مما رأيت
انا مثله